Hat ragihandin ku ku bajarê Til Ebyad ketiye bin destê Artêşa Azad. Hat diyarkirin ku li bajarê Til Ebyadê piştî şerê 2 rojan ê di navber Artêşa Azad û hêzên rejîmê de, bajar ket destê Artêşa Azad.

Li gorî agahiyên nûçegihanê ANF’ê dane, şer zêdetirîn li ber avahiya îstîxbarata leşkerî diqewime û di vî şerî de 4 leşkerên îstîxbaratê hatine kuştin, herwiha ji Artêşa Azad jî mirî çêbûne. Hate ragihandin ku piştî şerê dijwar hêzên istixbaratê mecbûr mane ku avahiyan vala bikin û xwe vekişandin. Piştî şer bajar bi temamî ket destê Artêşa Azad.

Hate gotin ku piştî şerê dijwar, balefirên şer ên rejîmê, gundê Eyn Arus ê girêdayî Til Ebyadê ku di destê Artêşa Azad de ye, bombebaran kir.

Artêşa Azad 2 roj beriya niha jî, Deriyê Sînor ê Til Ebyadê bi dest xistibû. Her wiha deriyên sînor ên din ên li ser sînorê Tirkiyeyê jî beriya niha ketibûn destê Artêşa Azad.

Niha, ji bilî Deriyê Sînor ê Qamişloyê hemû deriyên sînor, di destê Artêşa Azad de ne. Deriyê Sînor ê Qamişlo jî, ji ber ku bajarên kurdan hemû ji aliyê gel ve hatin bidestxistin, li aliyê Tirkiyeyê hatiye girtin.