Di 'Doza Kobanê' de Hevserokên berê yên HDP'ê, endamên Desteya Rêveberiya Navendî û rêveberên HDP'ê jî di nav de 108 siyasetmedar tên darizandin ku 28 ji wan girtî ne.

Rûniştina sêyemîn a dozê roja Înê dest pê kir. Tevî parêzeran, parlamenterên HDP'ê jî tevlî bûn.

Gelek parêzer jî bi rêya Sîstema Deng û Dîmen (SEGBÎS) ji bajarên ku lê ne tevlî bûn.

Ji Delegasyona Tirkiyeyê ya Yekîtiya Ewropayê hin pispor û nûnerên dîplomatîk ên welatên Yekîtiya Ewropayê dozê dişopînin.

Hevserokê berê yê HDP'ê Selahattîn Demîrtşa û Hevseroka berê ya DBP'ê Sebahat Tûncel ên dîlgirtî, bi hincet tevlî nebûn.

Di destpêka rûniştinê de parêzeran daxwaza vekişîna heyeta dadgehê kirin. Parêzer Cemîle Tûrhalli Balsak got, "Eger hûn ê venekişin, hingî dosyayê bişînin dadgeheke bilindtir."

Balsak got, "Darizandineke bêalî, şertê darizandina ad^lı e. Dadgeha we bi rengekî alîgir nêzî vê dozê dibe."

Her wiha biryara Dadgeha Mafên Mirovan a Ewropayê ya ji bo berdana Selahattîn Demîrtşa bi bîr xist û got, "Hûn çawa dikarin ji me hêvî bikin ku em bawer bikin, ku girtîhiştina wî li gorî qanûnê ye?"

Doz bi parastina parêzeran dewam dike.