Otobusa “Ji Ocalan re Azadî” ku du hefte ne li welatên Ewropayê digere, li paytexta Almanyayê Berlînê bû. Otobus dîsa ket ser rê. Otobus li ber deriyê dîrokî û turîstîk ê Brandenburgê park kir, li wir li rastî eleqeyek mezin hat.

Otobusa ji Ocalan re Azadî ya ku dê li 8 welat û 79 bajarên Ewropayê bigire, tûra xwe ya li Berlînê qedand. Otobus piştî Swêd û Denmarkê gihişt Almanyayê. Piştî bajarê Kîel, Magdeburg û Halle gihişt paytexta Almanya Berlînê. Otobus îro li ber deriyê dîrokî û turîstîk ê Brandenburgê park kir, li wir li rastî eleqeyek mezin hat.

Kurdistaniyên li Berlînê çûn serdana çalakgerên otobusê, her wiha li vir stadên agahdarkirinê hatin danîn û ji bo azadiya Ocalan îmze ji turîst û Almanan hati berhevkirin. Li qadê alên Kurdan û posterên Ocalan hatin vekirin, qad jî ji aliyê polîsan ve hate dorpêçkirin.

Çepgirên Alman û penaber jî hatin serdana çalakgeran û piştre otobus ber bi bajarê Potsdam ê ku nêzî Berlînê ye ve bi rê ket. Otobus dê sibê bi karwaneke dirêj re ber bi Hamburgê ve bi rê bikeve û dê saet di 12.30 de li Hamburgê dest bi tûra bajêr bike û dê li semta Sternschanze mitîng li dar bixin.