Meclîsa Ewlekariya Kar û Tenduristiya Karkeran (ÎSÎG) rapora xwe ya li ser kuştina karkeran a Îlona 2025'an a li Tirkiyeyê eşkere kir. Li gorî raporê tenê meha Îlonê 206 karker, 9 mehên dawî jî 1.566 karker mirin.
Di raporê de mirina karkeran li gorî mehan bi vî rengî ye:
Çileyê 180, Sibatê 124, Adarê 159, Nîsanê 156, Gulanê 178, Hezîranê 164, Tîrmehê 207, Tebaxê 192 û Îlonê 206 karkeran jiyana xwe ji dest dan.
Ji karkerên ku meha Îlonê jiyana xwe ji dest dan 9 jê zarok, 9 koçber-penaber, 14 jin, 192 mêr bûn. Hate ragihandin ku karker herî zêde li Stenbolê (10), Antalya (10) û Amedê (9) jiyana xwe ji dest dan.
