Emîne Şenyaşar a ku di sala 2018’an de xizm û parêzvanên parlementerê AKP’ê Îbrahîm Halîl Yildiz hevjînê wê û du kurên wê kuştibûn, tevî kurê xwe Ferît Şenyaşar yê di êrîşê de birîndar bûbû, çalakiya nobetê didomîne.

Malbata Şenyaşar di roja 77’emîn a nobetê de hate ber deriyê Dadgeha Rihayê rûnişt.

Malbatê wekî rojên din dîsa li ser twîtterê peyamek weşand û got “Li Nexweşxaneya Dewletê ya Sirûcê sê mirovên me hatin kuştin. Bila rayedarek bibêje ‘Tiştekî wisa tune’ em ê jî biçin mala xwe. Kujer eşkere ne, lê dozger tuneye ku tişta pêwist bike. Wê têkoşîna me ya ji bo edaletê bidome. Em ê bêdeng nemînin.”