Li dijî tecrîda li ser Rêberê Gelê Kurd Abdullah Ocalan li girtîgehan greva birçîbûnê ya bêdawî û bidorveger hatibû destpêkirin. Çalakî bi koma 34’an di roja 168’an de didome.

Girtî bi rêya malbatên xwe banga xwedîlêderketina greva birçîbûnê dikin. Rojda Yildiz a di Girtîgeha Jinan a Sîncanê de bi rêya malbata xwe xwest bila xwedî li greva birçîbûnê were derketin.

Yildiz ragihand “Wekî ku hûn dizanin li girtîgehên Tirkiye û Kurdistanê grevên birçîbûnê hê jî didome. Armanca vê grevê azadiya Rêber Apo ye. Pergala dagirker bi tecrîda li ser Îmraliyê re dixwaze me ji fikr û felsefeya Rêber Apo dûr bixîne. Lê em ê heta dawî xwedî li destkeftinan derkevin û çalakiya xwe bidomînin. Divê jin û ciwan xwedî li vê berxwedanê derkevin.”