Li depoya parfuman şewat: 6 mirî, birîndarek
Li tesîsa parfuman a li navçeya Dilovasi ya bajarê Kocaelî ya Tirkiyeyê şewat derket û di encamê de 6 kesan jiyana xwe ji dest dan û kesek jî birîndar bû.
Li tesîsa du qat a li Taxa Mîmar Sînan a navçeya Dilovasi ya Kocaeliyê, siharê di derdora saet 09.00’an de ji ber sedemeke nayê zanîn şewat derket. Agir di demek kurt de geş bû û gihişt banê avahiya li kêleka tesîsê jî.
Li ser îxbara welatiyan, tîmên agirkuj, tenduristî û polîs sewqî cihê bûyerê hatin kirin. Tîmên ku di demek kurt de hatin cihê bûyerê, şewat vemirandin. Di şewatê de 6 kesan jiyana xwe ji dest dan û kesek jî birîndar bû.
