Gera otobusê ya ku di 8’ê Îlonê de ji bajarê Mannheima Almanyayê bi daxwaza “Ji Ocalan re Azadî, ji Kurdistanê re Statu” ji aliyê Înîsiyatîfa Ji Ocalan re Azadî hat destpêkirin, tê payîn piştî Swêdê, di 16’ê Îlonê de li paytexta Denmakr Kopenhagê be..

Otobusa ji Ocalan Azadî, dê piştî bidawîbûna Mihrîcana Çandê ya Kurdan a Îskandinavyaê ber xwe bide Denmarkê, tê payîn ku otobus sibê bigihe paytext Kopenhagê. Kurdên Demnakrê dan zanîn ku ew dixwazin siyasetmedar û hunermendên Kurd ên di otobûsê de bi coşek mezin pêşwazî bikin û hat diyarkirin ku dê Kurdistanî li derveyê bajêr otobusê pêşwazî bikin. Piştî mitînga dê qada Redhusplads bê lidarxistin, dê saet di 19.30 de li Ishoj Strangardsskoleyê bi beşdariya Şaredarê Sûra Amedê Abdullah Demîrbaş civînek a gel bê lidarxistin.

Federasyona Komeleyên Kurdan ên Denmarkê (FEY-KURD) jî daxuyaniyek da bang li hemû Kurêdn li welat dijîn ku bi awayeke herî xurt beşdarî çalakiyê bibin.

Tevî FEY-KURD’ê, dê Komeleya Xwendekar û Akademîsyenên Kurd ên Denmarkê û Kurdisk (Foruma Kurd) jî piştgiriyê bidin çalakiyê.