Li bajarê Toronto yê Kanadayê, komkujiya ku artêşa Tirk li Kortekê kir hate şermezarkirin.

Çalakî bi pêşengiya Meclîsa Gelê Kurd a Demokratîk a Torontoyê li kolana Yonge&Dundasê pêk hat û Kurd tevî dostên xwe tevlî bûn.

Kurdan wêneyên qurbaniyên komkujiya Kortekê û pankarta bi nivîsa "Dewleta Tirk gelê Kurd qetil dike, tûrîzma Tirkiyeyê boykot bikin" bilind kirin.

Di çalakiyê de belavok hatin belavkirin û raya giştî der barê mijarê de hate agahdarkirin.