Hevberdevkê Partiya Çepên Kesk Îbrahîm Akin û Parlementer Perîhan Koca, ji bo piştgiriyê bidin berxwedana gelê herêmê ya li dijî kana komirê ya ku ji aliyê Yenîkoy-Kemerkoy Enerjiyê ve li Daristana Akbelenê tê avakirin, hatin Akbelenê. Akin û yên pê re û welatî rastî êrîşa bi ava şid û gaza îsotan a cendirmeyan hatin.

Akin û Koca û gelek welatî tesîr ji êrîşê girtin û nerihet bûn. Piştî êrîşê Akin û Koca tevî gel li ber barîkata leşkeran dest bi çalakiya rûniştinê kirin. Parlementerê CHP'ê Orhan Saribal û Cumhûr Ûzûn jî tev li çalakiyê bûn. Piştî çalakiya rûniştinê ku nêzî 2 saetan domand, girse ber bi cihê ku dar lê tên birîn ve meşiya. Gava girse meşiya cendirme careke din bi cop û gaza îsotê êrîşî girseyê kir.

Di êrîşê de Hevseroka HDP'ê ya Îzmîrê Çinar ALtan û Hevserokê HDP'ê yê Marmarîsê Guven Goknar hatin destgîrkirin.