Hevdîtina Heyeta Îmraliyê û Wezîrê Karên Hundir bi dawî bû
Hevdîtina navbera endamên Heyeta Îmraliyê ya DEM Partiyê û Wezîrê Karên Hundir Mûstafa Çîftçî nêzî 40 deqeyan dewam kir.
Endamên Heyeta Îmraliyê ya Partiya Demokrasî û Wekheviyê ya Gelan (DEM Partî) Pervîn Bûldan û Mîthat Sancar di çarçoveya Pêvajoya Aştî û Civaka Demokratîk de bi Wezîrê Karên Hundir Mûstafa Çîftçî re hevdîtin kirin. Hevdîtina li Wezareta Karên Hundir nêzî 40 deqeyan dewam kir.
Heyet piştre ji bo hevdîtina bi Wezîrê Edaletê Akin Gurlek re derbasî avahiya Wezareta Edaletê bû.
