Serokê Giştî yê CHP’ê Ozgur Ozel bertek nîşanî biryara doza "Lihevkirina bajar" da û got: "Li aliyekî dibêjin ‘aştî’ li aliyê din jî zîhniyeta ku Kurdên ji bo meclîsa şaredariyê hatine hilbijartin weke sûc dibînin. Ew ne samîmî ne."
Serokê Giştî yê CHP’ê Ozgur Ozel der barê doza "Lihevkirina Bajar" ku ya tevî cîgirên şaredar 10 rêveberiyên şaredariyê yên Kartal û Ataşehirê tên darizandin de daxuyanî da. Ozel diyar kir ku di hilbijartinê de gelek şaredarî hatin bidestxistin û got: “Em bi zîhniyetek ku Tirk û Kurd ên ku ji bo meclîsên şaredariyê hatine hilbijartin weke sûc dibîne re rû bi rû ne. Niha zîhniyeta ku behsa 'aştî' dike û di heman demê de Kurdên ji bo meclîsên şaredariyan hatine hilbijartin krîmînalîze dike. Ew ne samîmî ne û ne alîgirê aştî û xwişk-biratiyê ne. Ji ber ku ev doz vîna me ya ji bo jiyana bi hev re û siyasetê hedef digire. Ev doz şerma Tirkiyeyê ye!"
