Daxuyanî bi dirûşma “Ji bo gel bizanibe em dinivîsînin, em bi gel re dimeşin” hat amadekirin. Ji ber ku polîsan destûr neda meşê, daxuyani li Parka Mehmet Ayvalitaş a Kadikoyê hat dayîn.

Di daxuyaniyê de hat xwestin ku Îsmaîl Ari, Alîcan Uludag, Merdan Yanardag û rojnamegerên din ên girtî demildest serbest werin berdan.

Nivîskarê rojnameya BirGunê Berkant Gultekîn daxuyanî xwend û diyar kir ku rojnamegerî di bin zexteke giran de ye. Gultekîn destnîşan kir ku rojnameger ji ber nûçeyên xwe bi binçavkirin, lêpirsîn û girtinan re rû bi rû dimînin.

Gultekîn anî ziman ku bi taybetî sûcdarkirinên wekî “belavkirina agahiyên xapînok di nav gel de”, “navtêdana gel ji bo kîn û dijminatiyê” û “heqareta li serokkomar” wekî amûreke zextê li dijî rojnamegeran têne bikaranîn.

Rojnamegeran bal kişandin ser wê yekê ku tevî hemû zextan ew ê nivîsandina rastiyan bidomînin û peyama “Ji bo rojnamegeriyê azadî, ji bo welat demokrasî” dan.