Seroka Konseya Navendî ya Yekitiya Tabîbên Tirk (TTB) Prof. Dr. Şebnem Korûr Fîncanci ji ber gotin û nirxandina têkildarî çekên kîmyewî ku Tirkiyeyê li başûrê Kurdistanê li dijî gerîlayên HPG’ê bikar anîbû bi îdiaya “propaganda rêxistinê kirye” hatibû girtin. Îro rûniştina duyemîn a doza Fîncanci li Dadgeha Çaglayana Stenbolê hat lidarxistin. Hevpîşeyên Fîncanci, nûnerên rêxistinên sivîl, siyasetmedar û nûnerên sazî û dezgehên navnetewî tevlî rûniştina dozê bûn.

Parêzerên Fîncanci parastina miwekîla xwe kirin û destnîşan kirin ku Şebnen Korûr Fîncanci sûc nekiriye û xwestin were berdan û ji dozê beraet bike. 

Piştî parastina parêzeran heyeta dadgehê ji bo daxwaza parêzeran û Fîncanci binirxîne navber da rûniştinê.

Piştî navberê heyeta dadgehê biryara xwe eşkere kir û daxwaza berdana Fîncanci red kir û rûniştin taloqî 11’ê Çileyê kir.