Ji bo bîranîna pêşengê komunîst Îbrahîm Kaypakkaya û şehîdên meha Gulanê li Enqereyê çalakiyeke bîranînê hatibû kirin. Polîsan êrîşî vê bîranînê kiribû û 13 kes destgîr kiribû. Kesên hatin destgîrkirin dest bi greva birçîbûnê kirin.
Li Enqereyê di 20’ê Gulanê de ji bo bîranîna avakarê TÎKKO’yê Îbrahîm Kaypakkaya û şehîdên meha Gulanê çalakiyeke bîranînê hatibû organîzekirin.
Hêzên ked û demokrasiyê dema li Parka Tekmezarê hatibûn ba hev, polîsan êrîşî wan kiribû û 13 kes destgîr kiribû.
Dema nezaretê ya 13 kesan 4 rojan hatibû dirêjkirin û di heman rojê de polîsan girtibûn ser mala 13 kesan.
Kesên hatibûn destgîrkirin, diyar kirin ku wan dest bi greva birçîbûnê kirine.
