Di çarçoveya lêpirsineke ku ji aliyê Serdozgeriya Komarê ya Stenbolê ve tê rêvebirin de, di 28’ê Cotmehê de li Stenbol û Antalyayê serdegirtinên malan çêbûn. Di serdegirtinên malan de 17 kes hatin binçavkirin. 2 kesên ku hatin binçavkirin, li Midûrtiyeta Polîsan sûd ji “poşmaniya bandor” girtin û bûn “îtîrafkar.” Ji ber vê yekê 2 îtîrafkar piştî îfade dayînê hatin berdan.

15 kesên din jî piştî kar û barên li midûriyetê sewqî Edliyeya Stenbolê hatin kirin. Piştî kar û barên dozgeriyê 13 kes jî bi îdiaya “endamtiya rêxistinê” û daxwaza girtinê sewqî Dadgeha Cezayê yê Sulhê hatin kirin. Dadgeriyê biryara berdana kesekî bi şertê kontrola edlî û girtina 12 kesan bi îdiaya “endamtiya rêxistinê” da.