Navenda Ragihandina Yekîneyên Parastina Gel (YPG) daxuyaniyek nivîskî weşand, diyar kir ku hêzên êrîşkar ku rastiya gelên Rojava baş dizanin hewl didin ku pêşî li têkoşîna wan bigirin û got; “Lê belê li Rojava bi hezaran ciwan li her deverekê li hemberî çeteyên paşverû yên mîna DAIŞ û alîgirên wan heta dawiyê têdikoşin û ti caran jî ji vê têkoşeriya xwe, xwe nadin paş û li hemberî dijmin çok naşikînin. Ew bi berxwedana xwe destan û lehengiyên di dîrokê de hatine nivîsîn serobin dikin û di rûpelên dîrokê de bi tîpên zêrîn destana berxwedanî û lehengiyê dinivîsînin. Di vê rêyê de bedêlên giran didin û bi van bedêlan re jî mîrateyeke mezin a têkoşîn û azadiyê li pey xwe ava dikin.”

Di berdewama daxuyaniyê de hate diyarkirin ku Dilşêr Qamişlo di radeyek bilind de cihê xwe di nav kar û xebatên leşkerî û perwerdê de girtiye û di 10 Îlonê de dema erkê xwe di nav refên YPG de pêk danî li herême Şedadê gihiştiye şehadetê.

YPG’ê di di şexsê Dilşêr Qamişlo de hemû pakrewanên şoreş û berxwedana Rojavayê Kurdistanê bi rêzdarî bi bîr anî  û got; “bejna xwe li ber bîranînên wan ditewînin. Ji malbata şehîd û tevahî gelên Rojava re em sersaxiyê dixwazin û soza şopdariya rêya şehîdan careke din nû dikin.”

Nasnema şervanê YPG’ê wiha ye:

Nasnav: Dilşêr Qamişlo

Nav û Paşnav: Alaa Ebdulleh

Navê Dayikê: Fatma

Navê Bav: Xalid

Cihê Jidayikbûnê: Qamişlo

Cih û Dîroka Şehadetê: Şedadê / 10 Îlon 2016