Navenda çapemeniya YPG’ê bi daxuyaniyekê navê şervanê xwe yê li Hesekê jiyana xwe ji dest daye, aşkera kir.

Di daxuyaniya navenda çapemeniya YPG’ê de wiha hat gotin: “Roj bi roj şoreşa Rojavayê Kurdistanê li tevahî cîhanê deng dide, ew jî bi saya têkoşîna ku li Rojava tê meşandin û bi saya ked û xwîna şehîdên ku gulên di bin keviran de mayî şênber dikin.

Îro li Rojavayê Kurdistanê yekîneyên me û gelê me yê welatperwer li hember hemû hewldanên dagirkeriyê disekinin. Îro bi dehan ciwan ji deverên cuda beşdarî nava refên berxwedanê dibin û sing bi sing li hember hêzên tarî çeteyên DAIŞ’ê şer dikin û êrîşên wan têk dibin. Yekîneyên me soza ku bi şehîdan re dane îro pêk tînin û xwîna xwe  diyarî welat û gelê xwe dikin.

Em wek YPG û YPJ’ê soza  berxwedanê heta gihiştina jiyanek bi bi rûmet û azad ji bo tevahî gelên li herêmê dijîn nû dikin. Şehîd rêberê me ne!”

Nasnameye şervanê jiyana xwe ji dest daye wiha ye:

Nasnav: Rustem Cûdî

Nav: Alan Mihemed

Navê dayikê: Sebah

Navê bav: Ehmed

Cihê jidayikbûnê: Hesekê

Cih û dîroka şehadetê: 11.09.2015 Hesekê