Navenda Çapemeniya YPG’ê nasnameya 4 şervanên YPG/YPJ’ê yên di operasyona li başûrê Hesekê de jiyana xwe ji dest dan, aşkera kir.
ANF
NAVENDA NÛÇEYAN
sêşem, 10 sermawezê 2015, 15:16
Navenda Çapemeniya YPG’ê nasnameya 4 şervanên YPG/YPJ’ê yên di operasyona li başûrê Hesekê de jiyana xwe ji dest da, aşkera kir.
Navenda Çapemeniya YPG’ê nasnameya 4 têkoşeran bi daxuyaniyeke ku li ser malpera fermî ya YPG’ê hatiye weşandin aşkera kir.
Daxuyanî wiha ye: “Şoreşa Rojavayê Kurdistanê roj bi roj destanên dîrokî diafrîne û navê xwe li rûpelên dîrokê de geş dike. Bêguman ev bi giştî bi saya berxwedana şervanên azadiyê û gelê welatparêz ê ku zilmkarî li ser xwe qebûl nake û li dijî hişmendiya desthilatdar berxwedanek dîrokî dide nîşandan. Ew berxwedanî her dem têkoşîna me mezin kir. Îro jî taybet lehengên azadî ên ku hemberî dijmenên hov şer dikin, têkoşîna wan bi cesaret û biryareke mezin berdawam dike.
Di têkoşîna hêzên me yên di bin sîwana Hêzên Sûriya Demokratîk de li Kantona Cizîrê de li dijî komên tarî tê meşandin de, 4 rêhevalên me bi ruhekî fedayî şer kirin û gihiştin asta şehadetê. Şehîd temînata serketin û teqez mezinkirina têkoşîne ye.
Dîsa em sersaxiyê ji tevahî malbatê şehîdan û gelê Kurd re dixwazin û soza şopdariya rêya şehîdan didin.
