Fermandariya Giştî ya Yekîneyên Parastina Gel (YPG), ji bo nivîskarê Kurd Xelîl Kalo yê jiyana xwe ji dest da, peyama sersaxiyê weşand.

Daxuyaniya YPG’ê wiha ye:

“Bi Dilekî xemgîn agahiya çûyîna nivîskar û rojnamevan mamoste Xelîl Kalo ser dilovaniya xwe me wergirt. Em jî wek YPG’e ji malbatê, hevrê û hogirên wî, hemû rewşenbîr û tevahî gelê Kurd re sersaxî dixwazin.

Mamoste Xelîl Kalo mînakek herî balkêş bû wek rewşenbîrek welatparêz xwedî gotinek rast bû der barê pirsgirêk û êşên gelê xwe de. Bi nivîs û gotarên xwe yên li ser berxwedana YPG’ê û YPJ’ê li dijî hêzên terorîst û tarî mamoste Kalo bi endamnameya bilind ji aliyê reveberiya giştî a YPG’ê ve hatibû xelatkirin.

Carekî din em ji mamostê Kalo re soz didin ku rêya berxwedanê em ê berdewam bikin. Em hêvîdar in wê hemû nivîskar û rewşenbîrên Kurd, ji bo pêşeroja azad û bi rûmet a Kurdan li ser şopa Mamoste Kalo bimeşin."