Piştî şikandina ambargoya li ser Kobanê ya bi azadkirina Girê Spî re, konvoyek ji qemyonên alîkariyê ji Cizîrê gihaşt Kobanê.

Piştî ku hêzên YPG/YPJ’ê û Bûrkan El-Firat bajarê Girê Spî û hemû herêmên di navbera kantonên Cizîrê û Kobanê ji çeteyan paqij kirin, ambargoya li ser Kobanê bi dawî bû. 

Bi vê yekê re, danê vê sibehê konvoyek ji 10 Sehrîcên mazotê (depoyên mazotê) û 5 qemyon ard, ji kantona Cizîrê ber bi Kobanê ve bi rê ketin. Qemyonên ard û depoyên mazotê gihîştin Kobanê.

Bi vê yekê re yekem konvoya alîkariyê piştî gihaştina hev a Kantonên Cizîr û Kobanê, xwe gihand Kobanê.