Tevgera Ciwanan a Welatparêz û Demokratîk (YDG-H)’ê diyar kir ku 20’ê Mijdarê saet 22.00’an li navçeya Gever a Colemêrgê qedexeya derketina kolanan hatiye îlankirin. Di daxuyaniyê de wiha hat gotin: “Piştî qedexeyê li taxên Cumhuriyet û Orman di navbera artêşa taybet a AKP’ê û ciwanên xweparastin kirin de pevçûnên dijwar rû dan. Di encama pevçûnan de ciwanên bi navê Mehmet Reşît Arici û Naîm Noyen şehîd ketine. Di pevçûnan de hêzên faşîst jî windahî dane lê hejmara wan nehatiye zelalkirin.”

 YDG-H’ê di dewama daxuyaniya xwe de ev agahî parve kir:

“Çûnûhatinên navçeyê ku hatine girtin; qereqola Sinava bi obus û hawanan tax bombe kiriye. Di bomberdûmanan de li gelek malan zerara madî rû daye. Her wiha gelek leşker li taxên Kişla û Orman hatine bicihkirin. Sekvan li avahiyên bilind hatine bicihkirin û hêzên faşîst tax dorpêç kirine.”