Fermandariya Gişti ya YBŞ’ê ji bo malbata Fermandarê QSD’ê Ebu Leyla ku di encama hemleya rizgarkirina bajarê Minbicê 2’yê Hezîranê de jiyana xwe ji dest dabû û QSD’ê sersaxî xwest.

Fermandariyê YBŞ’ê daxuyaniyek nivîskî weşand û diyar kir ku kesayetek û fermandarekî mîna Fermandar Ebu Leyla, di serê şoreşa Sûriyeyê de bi awayek çalak cihê xwe girt, wiha dewam kir: “Yekemîn kes bû ku di serê şoreşa Sûriyeyê de çek rakir û rejîma Baas ji bajarê Minbicê derxist û piştî hatina çeteyên DAIŞ’ê ji Minbicê derket. Lê,  qet navber neda sekna xwe û di demê şerê herî giran yê Kobanê de bi awayek çalak li gel tabûra xwe cih girt û rexmê ku çend caran jî birindar bû, lê hevalên xwe yên di berxwedanê de tenê nehişt û heya kêliya dawî ya rizgarkirina Kobanê têkoşîn kir. Cihê xwe di rizgarkirina Bendava Teşrîn, Şedadê, Holê û gelek cihên din de girt.

Wekî Fermandariya YBŞ’ê windahiyek mîna Fermandar Ebû leyla ji bo me giran e, lê îro şervan û hevalên wî ji bo xeyal û xewnên wî pêk bînin bi hemû hêza xwe êrîş dikin.

Di dawiyê de em sersaxiyê ji malbata Ebû leyla re dixwazin û soz didin em ê wekî YBŞ’e heya nefesa xwe ya dawî şopdarê rêça Ebû Leyla bin.”