Xebatên keşfê yên pêgerên hewayî yên artêşa Tirk li ser Herêmên Parastinê yên Medya her diçin zede dibin.

Navenda Ragîhandin û Çapemeniyê ya HPG’ê têkildarî xebatên keşfê yên artêşa Tirk de daxuyaniyek da.

HPG’ê di daxuyaniyê ev agahî dan:

“Di 5’ê Nîsanê de saet di navbera 05.00-08.00 û 12.00 û 19.00’an de ji Herêmên me yên Parastinê yên Medya ji ser xeta sînor a herêma Avaşîn pêgerên hewayî yên keşfê geriyane. Ev xebatên keşfê li Herêmên Parastinê yên Medya her diçin zêde dibin. Li gorî vê;

Di 5’ê Nîsanê de saet di navbrea 11.00-17.00,  22.00 û 6’ê Nîsanê saet di navbera 05.00’an de  ji ser  herêma Şehîd Kendal, Deriyê Dawetiyê, Vektorya û Kato Silê ya li ser xeta herêma Heftanînê, 5’ê Nîsanê saet di navbera 13.00-15.00 û 21.00’ê û 6’ê Nîsanê 03.30’an de li ser herêma Zapê, di 5’ê Nîsanê de saet di navbera 05.00 û 09.00’an de li ser herêma Metîna pêgerên hewayî xebatên keşfê kirine.

Dîsa 5’ê Nîsanê saet di navbera 15.00 û 6’ê Nîsanê 11.30’an de li ser herêmên Cîloya Biçûk û Ertuşê ya xeta sînora herêma Zapê keşf pêk hatine.

5’ê Nîsanê saet di navbera 06.00 û 19.00’an de ji Qereqola Serbesta û Aşut a di bin kontrola artêşa TC a dagirker de ye û di xeta sînorê herêma Metîna de ye, tevgera helîkopterên Skorsky û wesayîtên zirxî hatiye dîtin.”