DBP, ji bo li hember polîtîkayên şer ên AKP'ê daxwaza aştiyê bîne ziman wê di navbera 18-19’ê Îlonê de bi şîara, “Bi hev re ber bi xwerêveberiyê” hin rêze çalakî pêk bîne.

DBP’ê di daxuyaniya xwe ya têkildarî mijarê de got: "Piştî 7’ê Hezîranê encamên hilbijartinê ku ji aliyê Qesrê û AKP’ê ve nehatin qebûlkirin û li hember vê bi her cureyî polîtîka û pêkanîna tinehesibandinê dewam dike. Gelên me bi îlana xwerêveberiyên pêş xistin, bersiv dane mirin, girtin û hwd pêkanînên terorê. Ji aliyekî ve jî ev daxwaz heta tê xwestin tên manîpulekirin, vedugerînin sedema zext û êrîşan.”

'BI HEV RE BER BI XWERÊVERIYÊ'

Di daxuyaniyê de hat gotin ku her roj hevşaredar, endamên meclîsê û xebatkarên partiyê tên binçavkirin, ji wezîfeyê tên dûrxistin û wiha hat gotin:

"Li hemberî van polîtîka û pêkanînên derveyî mirovatiyê û hiqûqê tine dihesibînin, ji  bo em helwesta xwe ya aştiyane û demokratîk nîşan bidin, asteng bikin ku di nav spekulasyon-manîpulasyonan bên asêkirin, di 18-19’ê Îlona 2015’an de bi şîara, ‘Bi hev re ber bi xwerêveberiyê’ em ê rêze çalakiyên ji çalakiyên rûniştinê û platformên nîqaşê pêk tên li dar bixin.

Di çalakiyan de wê KCD, HDP, HDK, parlamenterên me yên herêmê, hevşaredarên me, endamên me yên şaredariyê, saziyên jin û ciwanan û nûnerên rêxistinên civaka sivîl amade bin.”

BERNAME

Bernameya aktîvîteyên ku wê li Sumerparkê pêk bên wiha ye:

"Cih: Sumerpark Amed

18’ê Îlonê roja Înê

10.00 Destpêk

11.00 Axaftina Vekirinê

Firat Anli, Hevserokê Rêveberiya Yekîtiya Şaredariyên Demokratîk û Hevşaredarê Bajarê Mezin a Amedê (Weşana Zindî)

11.45 Çalakiya rûniştinê: Giştî roj (19’ê Îlonê roja Înê saet heta 10.00’an didome)

14.00 -16.30 Kursiya Serbest (Weşana Zindî)

16.00-19.30 Aktîvîteya Çandî

20.00 -23.00 Li Amfiyê Civîna Vekirî (Weşana Zindî)

Moderator: Tûncer Bakirhan, Hevşaredarê Sêrtê

Ahmet Turk, Hevşaredarê Bajarê Mezin a Mêrdînê

Gultan Kişanak, Hevşaredara Bajarê Mezin a Amedê

Emîne Esmer, Hevşaredara Silopiyayê

Nûrhayat Altûn, Hevşaredara Dêrsimê

Hatîp Dîcle, Hevserokê KCD’ê

Emîne Ayna, Hevseroka Partiya Herêman a Demokratîk (DBP)

Ayla Akat Ata, Nûnera KJA’yê

Wê nûnerên Meclîsa Bajêr, Ciwan û Saziyên Civaka Sivîl (STK) jî tevlî bibin

19.30-22.30 Aktîvîteya Çandî

19’ê Îlonê 2015 Roja Yekşemê:

09:30 -10.00 Axaftina Girtinê û daxuyaniya çapemeniyê (Weşana Zindî)

Çîmen Işik, Hevseroka Rêveberiya Yekîtiya Şaredariyên Demokratîk"