Piştî hikûmeta AKP'ê ya demkî bi fermana Serokkomar Erdogan konsepta şer da destpêkirin înfazên sîvîlan destpê kir. Piştî tîmên taybet li Agirî û Mêrdînê welatiyên sîvîl înfaz kirin şevê din jî li Amedê welatiyê bi navê Fahrettîn Bûdak ê 40 salî yê li ber mala xwe rûdinişt înfaz kirin.

Piştî înfazên sîvîlan ên li Agirî û Mêrdînê înfazek jî li Amedê pêk hat. Polîsan li Taxa Kaynartepe ya navçeya Rezan a Amedê welatiyekî înfaz kir. Li gorî agahiyên welatiyên tax dan şevê din seat di 23.00'an de tîmên taybet bi ser tax de girtin û rasterast tax gulebaran kirin. Di encama gulebaran tîmên taybet de welatiyê bi navê Fahrettîn Bûdak ê 40 salî bi 3 guleyên ji sing û pişta wî ketin înfaz kirin. Hat ragihandin ku di bûyerê de kesekî navê wî nehat zanîn jî birîndar bû û 3 kes jî hatin binçavkirin.

Cenazeyê Bûdak ji bo otopsiyê rakirin Nexweşxaneya Lêkolîn û Perwerdehiyê ya Gazî Yaşargîl a Amedê.