Tevgera leşkerî ya artêşa Tirk a li hember hêzên gerîla zêde dibe.

Navenda Ragihandin û Çapemeniyê ya HPG’ê, diyar kir ku tevgera leşkerî ya artêşa Tirk a li hember hêzên gerîla yên di pozîsyona agirbestê de ne zêde bûye.

HPG’ê têkildarî mijarê ev daxuyanî da:

 “23’yê Adarê danê êvarî artêşa TC a dagirker li bejahiya gundê Golik ê girêdayî navçeya Şemrex a Mêrdînê operasyonek da destpêkirin. Dîsa 24’ê Adarê saet 06.00’an 8 wesayîtên zirxî û 2 wesayîtên transît ji bo herêma operasyonê bi awayekî zêde sewqiyata leşkerî pêk aniye. Operasyon saet 11:30'î bi awayekî bê encam bi dawî bûye.

24’ê Adarê saet di navbera 21:00 - 22:00’an de ji Herêmên me yên Parastina Medya li xeta sînor a herêma Qendîl li qada Dola Kokê û girê Şehîd Dilbirîn û Tepê Şehîd Nûda bi obus, hewan û çekên giran bombardûmanek pêk hatiye.

23’ê Adarê saet di navbera 11:00 - 12:00 û 19:00 - 21:00’an artêşa Tirk a dagirker li herêma bi pêgerên hewayî yên keşfê keşf pêk aniye. Her wiha saet di navbera 18:00 - 19:30’î de li ser herêmê tevgera balafirên şer hatiye dîtin.