Navenda Ragihandin û Çapemeniyê ya HPG’ê têkildarî tevgera leşkerî ya artêşa Tirk daxuyaniyeke nivîskî weşand. HPG'ê got:

“22’ê Hezîranê saet di navbera 20:00 - 22:00’an de li ser qada Sumbul a li herêma Zagros a yek ji Herêmên me yên Parastinê yên Medya pêgerên hewayî yên bê mirov ên artêşa dagirker a T.C keşf pêk anîne. Tevgera hewayî li herêmên me yên gerîla bi awayekî zêde dewam dikin. Li gor vê; 23’ê Hezîranê (îro) saet di navbera 03.00-12.00’an de li ser xeta Avaşîn, herêma Metîna û qada Şehîd Kawa ya girêdayî navçeya Farqîna Amedê, di navbera 22’ê Hezîranê saet 20:00 û 23’ê Hezîranê saet 04.00’an li herêma Heftanîn, 22’ê Hezîranê saet di navbera 03:00 - 17:00’an de herêma Garê, di navbera 22’ê Hezîranê saet 07:00 - 11:30 û 20:00 - 23:00 û 23’ê Hezîranê saet 03:00 - 04:00’an de li herêma Zapê û li xeta sînor pêgerên hewayî yên bê mirov keşf pêk anîn; 23’ê Hezîranê di navbera saet 04:00 - 05:00’an de li ser herêma Zap û Garê tevgera balafirên şer rû da.

Ev hefteyeke Qereqola Yekmal a li ser xeta herêma Haftanîn a yek ji Herêmên me yên Parastinê yên Medya ye ji bo ji nû ve li qereqolên berê bi cih bibin ketiye nav tevgereke zêde.

22’ê Hezîranê saet 23:00'an artêşa dagirker a T.C gelek wesayîtên zirxî sewqî Qereqola Korxê kirin; 23’ê Hezîranê saetên sibê li ser rêya gundê Çemê Elîka yê di navbera Amed-Licê de kemîn hatine danîn.”