Tevgera hewayî ya artêşa Tirk a li Herêmên Parastinê yên Medyayê, dewam dike.

Navenda Ragihandin û Çapemeniyê ya HPG'ê li ser tevgera leşkerî ya artêşa Tirk daxuyaniyek nivîskî weşand û bal kişand ser van xusûsan:

"Di 18'ê Hezîranê saet di navbera 06:30 - 16:00 de li ser herêma Xakurê, artêşa T.C a dagirker bi pêgerên hewayî yên bê mirov re keşif kirine. Vê tevgera hewayî li qadên me yên gerîla dewam kiriye. Li gorî vê yekê;

Di 18'ê Hezîranê saet di navbera 14:00 - 22:00 û 19'ê Hezîran (îro) saet di navbera 04:00 - 12:00 de li qadên Şuke û Şehîd Rahîme yên herêma Avaşînê, heman rojan saet di navbera 14:00 - 00:00 û saet di navbera 05:00 - 11:00 de li qada Oremar a navçeya Colemêrg Geverê, ji saet 20:00 ê 18'ê Hezîranê heta saet 04:00 ê 19'ê Hezîranê li herêma Metîna, di 18'ê Hezîranê saet di navbera 07:00 - 09:00 de li herêma Gare, di 18'ê Hezîranê saet di navbera 20:30 - 23:30 û di 19'ê Hezîranê saet di navbera 04:00 - 11:00 de li herêma Heftanînê, ji saet 15:00 ê 18'ê Hezîranê heta saet 03:00 ê 19'ê Hezîranê li herêma Zapê, danê sibehê yên 16 heta 19'ê Hezîranê li herêma Besta ya Şirnexê, bi pêgerên hewayî yên bê mirov re artêşa Tirk keşif kiriye, di 18'ê Hezîranê saet di navbera 20:00 - 21:00 de li herêmên Avaşîn û Heftanînê tevgera balafirên şer rû daye."

HPG'ê da xuyakirin ku ji 15'ê Hezîranê û pê ve li qadên bejahî yên Belen û Aksû yên Hatayê, artêşa Tirk kemîn daniye.