Navenda Ragihandin û Çepemeniyê ya HPG’ê diyar kir ku tevgera hewayî ya artêşa Tirk û operasyon didomin.

HPG’ê di daxuyaniya xwe de têkildarî tevgerê de wiha vegot:

“19’ê Hezîranê saet di 12.30- 13.30 û 18.00-19.00’an de li serê herêma Qendîlê ya Herêma Parastina Medya tevgera balafirên şer ên artêşa T.C hatine jiyîn. Ev tevgerên hatine jiyîn li herêmên me yên gerîlayan her diçin zêde dibin.

Di 20’ê Hezîranê de  (îro) saet di navbera 06:00 - 12:00’an de li herêma Xakurkê, heman rojê saet di navbera 03:00 - 11:00’an de herêma Avaşîn, di 19’ê Hezîranê de saet di navbera 09:00 - 15:00’an de li herêma Zagrosê û herêma Çarçella, di 19 hêzîranê de saet di navbera 03:00 - 16:30’an de li herêma Zapê, di 19’ê Hezîranê de saet di navbera 20:00 û 20’ê hezîranê saet di 02:00’an de li ser herêma Botanê pêgerên hewayî yên bê mirov ên artêşa Tirk xebatên keşfê kirine.  Her wiha di 19’ê hezîranê de  di navbera 12:30 - 13:30’an de li herêma Xakurkê, saet di navbera 12:30 - 16:30’an de li herêma Avaşîn, saet di navbera 14:30 - 17:00’an de herêma Heftanînê, saet di navbera 21:00 - 00:00’an de herêma Metîna, saet di 14:00 - 15:30’an de li ser hêma Zapê tevgera hewayî ya balafirên şer hatiye jiyîn.

Di 18’ê hezîranê de saet di navbera 22:00 - 23:00’an de Qerekola Mamreş a li xeta sînor a herêma Avaşîne jî herêmên derdorê raste rast gulebaran kirine. Di 19’ê Hezîranê de saet di 11.00’an de ji Qerekola Museka ji bo qerekola Mamreş gelek leşker û wesayîtên zirxî hatine sewqkirin.

Di 9’ê Hezîranê de artêşa TC ya dagirker bi beşdarbûan tîmên taybet û cerdevanan li gelek herêman operasyonên berfireh pêk anîbû.  Artêşa Tirk li dora gundên Sergeto, Qopek, Qilê, Kopeka, Ziban, Heflîn a navçeya Erganiya Amedê, li dora gundên Xelepan, Gomaşem û Xiraban a Pîranê û herêma bajaroka Culuman a Elezîzê operasyonek berfireh daye destpêkirinê û kemîn danîne. Operasyon di 14’ê hezîranê de bê encam vekişiya. Li herêmên stratejîk yekineyên veşarî kemînan didomînin.