Li hember herêmên gerîla, êrîşên artêşa Tirk didome. Qereqola Oremarê ya li Geverê, qadên Şehîd Gafûr û Şehîd Faraşîn bi obus, hawan, tank û bombeyên mîsketan ve bomberdûman kir.

Navenda Çapemenî û Ragihandinê ya HPG’ê daxuyaniyek nivîskî weşand, diyar kir ku artêşa taybet a Erdogan, sê rojên dawiyê bi balafirên şer qadên Şehîd Rahîme û Şehîd Gafûr daye ber bombeyan, ragihand ku li vê herêmê tevgera leşkerî jî didome.

HPG’ê di daxuyaniya xwe de wiha got: “21’ê Cotmehê saet di navbera 22.00-00.00’an de qereqola Oremar a girêdayî navçeya Gever a Colemêrgê, ji Herêmên Parastinê yên Medyayê qadên Şehîd Gafûr û Şehîd Faraşîn ên li xeta sînorê herêma Avaşînê, bi obus, hawan, tank û bombeyên mîsketan ve bomberdûman kir.

Artêşa taybet a Erdogan li hember hêzên gerîlayên me yên di şertên bêçalaktiyê de ne, amadekariyên êrîşê ji bo bikeve qada Şehîd Rahîme ya li xeta sînorê Avaşînê dike. 3 rojên dawî, li hember qadên Şehîd Rahîme û Şehîd Gafûr bi balfirên şer ve êrîşên bombeyî dike. Li vê qadê tevgera leşkerî jî didome.

21’ê Cotmehê saet 09.00-11.00’an qereqolên Elemûn û Tepê Yekmal ên li xeta sînorê herêma Metîna, qada Zendûra dane ber obus û hawanan.

21’ê Cotmehê saet 06.00-07.00’an û 23.00-23.30’an qereqola Êrîş a li xeta sînorê herêma Zapê, qadên derdora xwe û Girê Berçella; saet 14.30-15.00’an û 23.00-00.00’an qereqola Bîlîcan, qadên derdora xwe û bejahiya gundê Hîlal bi obus, hawan û tankan ve bomberdûman kir.

Li Herêmên Parastinê yên Medyayê, 22’ê Cotmehê saet 00.00-04.30’an li ser herêma Garê; 21’ê Cotmehê saet 11.00’an û 22’ê Cotmehê saet 02.30’an li ser herêma Zapê, 21’ê Cotmehê saet 12.00-15.00’an, 22.00’an û 22’ê Cotmehê saet 02.00’an li ser herêma Metîna, pêgerên hewayî yên keşfê geriyan.

21’ê Cotmehê saet 07.00-09.00’an û 14.00-15.00’an li ser herêma Zapê; saet 22.00’an û 22’ê Cotmehê saet 02.00’an li ser herêma Metîna tevgera balafirên şer çêbû.”