Li Şirnexê bi sedan xwendekar ji bo piştevaniya berxwedana gelê Nisêbînê meşiyan.

Endamên DEM-GENÇ'ê û Komeleya Xwendekarên Demokratîk ê Zanîngeha Şirnexê (ŞUDO-DER) ji bo piştevaniya berxwedana Nisêbînê ya ku 7 roj in li hemberî êrîşan li ber xwe didin çalakî li dar xistin. HDP, DBP û Egîtîm Sen a Şirnexê jî piştgirî dan çalakiyê. Xwendekarên li ber avahiya DBP'ê kom bûn heta qada Azadiyê meşiyan.

Di meşê de dowîzên "Gelê Nisêbînê ne tenê ye" û "Şoreş raperîn Nisêbîn" hilgirtin û rê rêya Cizîr-Qileban li trafîkê girtin. Welatî jî derketin ser şaneşînê û bi nîşaneya serketinê piştgirî dan xwendekaran. Li ser navê xwendekaran endama ŞUDO-DER'ê Melek Akay axivî. Akay diyar kir ku hikûmeta AKP'ê tehemulî xwerêveberiyan nekiriyê û li hemberî gelê Kurd şer îlan kiriye. Akay got ku di êrîşên hêzên dewletê de jin, zarok, kal û pîr gelek sivîl hatin kuştin.

Akay da zanîn ku dewlet bi tank û topan êrîşî vîna gel dike û wiha axivî: "Berê jî bi tank, top, helîkopter û panzêran êrîşî vîna gelê Farqînê kir. Gel bi parastina rewa û berxwedana xwe êrîş vala derxistin. Em gelê me yê berxwedêr silav dikin. Heke em îro piştevaniya berxwedana Nisêbînê nekin wê sibe dor bê me. Divê em berxwedana xwe mezintir bikin."