Polîtîkaya tecrîdê ya li ser Rêberê Gelê Kurd Abdullah Ocalan, di çarçoveya kampanyaya ku bi pêşengiya jinên DEM-GENÇ’ê ve hatiye destpêkirin ya ‘Xwedî li rêbertiya xwe derkeve’ bi meşeke meşaleyî hat protestokirin.
Polîtîkaya tecrîdê ya li ser Rêberê Gelê Kurd Abdullah Ocalan, di çarçoveya kampanyaya ku bi pêşengiya jinên DEM-GENÇ’ê ve hatiye destpêkirin ya ‘Xwedî li rêbertiya xwe derkeve’ bi meşeke meşaleyî hat protestokirin.
Bi pêşengiya jinên DEM-GENÇ’ê kampanyaya ‘xwedî li Rêbertiya xwe derkeve’ ya li Tirkiye û herêmê pêk tê, li Wanê jî ji Parqa Feqiyê Teyran heta Kawşaxa Îki Nîsanê meşek meşaleyî pêk hat. Hevserokên DBP’a Wanê Hamiyet Şahîn û Mîraz Çali, hevserokên HDP’a Wanê Derya Havya, Veysî Dîlekçî, hevşaredar, Meclîsa Dayikên Aştiyê, KJA, NÇM û bi sedan kes beşdar bûn. Di meşê de jinên ciwan erbane lê dan û posterên Rêberê Gelê Kurd Abdullah Ocalan û pankart hatin vekirin. Her wiha bê navber dirûşme hatin berzkirin.
Hevseroka DBP’a Wanê Hamiyet Şahîn piştî meşê li Kawşaka Îkî Nîsanê axivî û tecrîda li ser Rêberê Gelê Kurd Abdullah Ocalan şermerzar kir û daxwaza kir ku divê demildest tecrîda li ser Ocalan bi dawî be. Şahîn got pêvajoya çareseriyê ji aliyê serokkomarê Tirk û hikûmetê ve hatiye sekinandin û bi lêv kir ku ji bo pêvajo bimeşe divê bê şert û merc azadiya Ocalan pêk bê.
