Li bajarê Elmanya Freîbûrgê, bi armanca şermezarkirina tecrîda li ser Rêberê Gelê Kurd Abdullah Ocalan, meşeke meşaleyî hat lidarxistin.

Meşa bi meşaleyan ji aliyê Ciwanên Azad-Freîbûrgê ve hat lidarxistin û bi sedan ciwan beşdar bûn.

Girseya gel a li Kartoffelplatzê civiya, ber bi navenda bajêr ve dest bi meşê kir. Ciwanên ku meşale, wêneyên Rêberê Gelê Kurd Abdullah Ocalan û alên YPG/YPJ'ê hildan, dirûşmên "Bijî Serok Apo", "Bijî PKK", "Bijî Berxwedana YPG'ê" qîriyan.

Di meşê de girtin û zexten li Elmanyayê yên li hemberî siyasetmedarên Kurd hatin şermezarkirin.

Korteja meşê piştre careke din li Kartoffelplatzê vegeriya û li vê derê ji bo bîranîna cangoriyên têkoşîna azadiyê li ber sirûda "Çerxa Şoreşê" deqeyek rêz hat girtin.

Girseya gel piştî deqeyek rêzgirtinê belav bû û dawî li çalakiya xwe anî.