Tecrîda li hember Rêberê Gelê Kurd Abdullah Ocalan li Erziromê bi çalakiya rûniştinê hat şermezarkirin.

Li Erziromê bi peşengiya DEM-GENÇ'ê bi armanca şermezarkirina tecrîda li hember Rêberê Gelê Kurd Abdullah Ocalan li ber avahiya Rêxistina HDP'ê ya Erziromê daxuyanî hat dayîn. Hevserokê Rêxistina HDP'ê ya Erziromê Sadik Yalçin daxuyanî xwend û diyar kir ku di çareserkirina pirsgirêka Kurd de Rêberê Gelê Kurd Abdullah Ocalan xwedî rol û risteke girîng e û wiha axivî: "Divê tecrîda li hember Birêz Abdullah Ocalan bê rakirin. Hevdîtinên ku wê bên destpêkirin ji bo pêşeroja hemû gelê Kurd û hemû gelên li Tirkiyeyê gelekî girîng e."

Piştî daxuyaniyê çalakiya rûniştinê pêk hat û çalakî bi dirûşmên ''Bê serok jîyan nabe'' û ''Bijî Serok Apo'' bi dawî bû.