Tabûra Firat Cereblûs li gundê Zor Mixarê yê li rojavayê Kobanê daxuyaniyek da çapemeniyê û ragihand ku wan biryar dane bi hêzên HSD'ê re tevbigerin.

Fermandarê Tabûrên Firat Cereblûsê Ebdulstar Cadir daxuyanî xwend û diyar kir ku hêzên HSD'ê li hemberî çeteyên DAIŞ'ê li başûrê Hesekê serketinên mezin bidest xistine û bi dehan gund rizgar kirine.

Ebdulstar bibîr xist ku hêzên HSD’ê banga tevlîbûnê li hemû hêzan kiriye û wan jî wekî bersivdayîna vê bangê biryara tevlîbûna HSD’ê girtiye. 

Ebdustar got: "Em ê hemû biryarên fermandariyê pêk bînin. Em ê di nava vê hêzê de operesyonên paqijkirina axa Sûriyeyê ji terorê û xilaskirina gelê Sûriyayê ji zilma wê bidomînin. Ev gav di çarçoveya girîngiya  yekbûna hêzên leşkerî ji bo pêdiviya qonaxê û pêkanîna ewlekariyê li Sûriyeyê, pêk hatiye. Em dibêjin ku wê HSD dendika hêzên niştîmanî li Sûriyeya pêşerojê ava bike. Em soz didin ku em ê di şer de li gorî hemû belge û yaseyên navneteweyî tevbigerin û sivîlan biparêzin."

Daxuyanî bi dirûşmeyên "Bijî berxwedana HSD'ê li Holê" bi dawî bû.