Welatiyên sivîl ên di 14’ê Mijdarê de ji aliyê çeteyên El-Nusra û Ehrar El-Şam ve hatibûn revandin, hatin berdan.

Çeteyên Cephet El Nusra û Ehrar El-Şam di 14’ê Mijdara 2015’an de li gundê Dêr Cimêl yê Êzazê ku dikeve ser rêya Helebê 7 otobusên rêwiyan ên ji Helebê dihatin Efrînê, rawestandibûn û bi dehan welatiyên Kurd revandibûn.

Kesên ku hatine revandin, saet derdora 18.00’an de li herêma Efrînê serbest hatin berdan. Kesên hatine berdan, ji bo kontrolkirina tenduristiyê birin nexweşxaneyê.