Şervanê MLKP'ê yê Tabûra Azadiyê ya Enternasyonal Halîl Aksakal (Mazlûm Aktaş), di 21'ê Hezîranê roja Yekşemê li salona Konferansê ya Komeleya Çandê ya Karkerên Koçber a Stûttgartê (Gîk-Der) a ser bi AGÎF'ê, hat bîranîn.

Tevî nûnerên Navenda Civaka Kurd ya Stûttgartê, Navenda Çandê ya Tohûm û SYKP’ê, zêdeyî 50 kes beşdarî merasîma bîranînê bû. Bîranîn, di şexsê şervanê MLKP’ê Halîl Aksakal ê di 18’ê Hezîranê de li Girê Spî di şerê li dijî DAIŞ’ê de jiyana xwe ji dest da, bi deqeyeke rêzgirtinê ji bo bîranîna hemû cangoriyên têkoşîna azadyê, sosyalîzm û şoreşa Rojava, destpê kir.

Nûnerê AGÎF’ê di axaftina xwe ya li vir de bibîr xist ku şerên mezin bi dayîna berdêlên mezin re tê qezençkirin û anî ziman ku yek ji van berdêlan jî Halîl Aksakal e. Nûnerê AGÎF'ê destnîşan kir ku jinên herî xweş ên weke Arîn Mîrxan, Sîbel Işik û Îvana Hoffmann, mil bi mêrên herî kirêt ên cîhanê didin danîn û anî ziman ku pira biratiyê ya li Rojava, hêzên emperyalîst û paşverû têk biriye.

Merasîma bîranînê bi xwendina peyamên Fermandariya MLKP û Tabûra Azadiyê ya Enternasyonal dewam kir.

Di peyaman de hat gotin, "Hevrê Mazlûm komunîstekî ji neteweya Ereban bû. Li dijî çeteyên faşîzan ên DAIŞ'ê rûmeta gelê Ereb parastiye û di vê rê de şervanî kiriye. Ji Til Hemîs heta Cezayê ji Mebrûkan heta Hesekê, ji Til Temir heta Serêkaniyê, ji kantona Cizîrê heta eniyê din wek operasyonvan, hewanvan, bikarhênerê bîsvîng, bîksî cih girtiye û fermandarekî ku bawerî dida her kesên li gel xwe. Hevrê Mazlûm li nava yekîneyên di nav de cih digirt, bi taktîk û gavên xwe yên wêrekî, derdiket pêş."

Di bîranînê de hevpeyvîna Ronahî TV ya beriya niha bi Halîl Aksakal re kiribû, hat weşandin û bîranîn bi qîrîna dirûşman bi dawî bû.