Cenazeyê Gerîlaya YJA-Starê Yagmur Tekdal (Sarya Amara) a li herêma Garê ya Başûrê Kurdistanê di êrîşa hewayî de jiyana xwe ji dest da li navçeya Licê ya Amedê hate definkirin. Birayê Tekdal Ugur Tekdal di merasîma cenaze de axivî û wiha got: "Dara Serokê me 40 sal berê çandî her diçe mezin dibe. Xwîşka min jî bû pelekî wê darê. Em ê jî di riya wê de biçin."

Cenazeyê Gerîlaya YJA-Starê Yagmur Tekdal (Sarya Amara) a 22'yê Mijdara 2011'an li qada Garê ya Başûrê Kurdistanê di êrîşa hewayî de jiyana xwe ji dest da li gundê Sîsê yê navçeya Licê ya Amedê li Şehîdgeha Şehîd Amed û Şehîd Hêvîdar hate definkirin. Cenazeyê Tekdal piştî karên otopsiyê anîn Licê û di ketina navçeyê de bi girseyî hate definkirin. Li Şehîdgeha Şehîd Amed û Şehîd Hêvîdar ji bo Tekdal merasîm hat lidarxistin. Di merasîmê de posterên Rêberê Gelê Kurd Abdullah Ocalan, wêneyên Tekdal û alên PKK'ê hatin vekirin. Di merasîma cenaze de sirûda "Çerxa Şoreşê" hat xwendin û rêzgirtin pêk hat.

Piştî rêzgirtinê Hevseroka MEYA-DER'ê ya Amedê Ayşe Dîcle axivî û wiha got: "Rêheval Sarya li hemberî zaliman li ber xwe da û ji bo azadiya gelên bindest canê xwe da. Em soz didin girêdayî bîranînên wan bin." Birayê Tekdal Ugur Tekdal jî wiha got: "Dara Serokê me 40 sal berê çandî her diçe mezin dibe. Xwîşka min jî bû pelekî wê darê. Em ê jî di rêya wê de biçin."

Piştî axaftinan cenazeyê Tekdal bi dirûşmên "Ey şehîd xwina te li erdê namine" û "Bijî serok Apo" hate definkirin.

Girse piştî karên definkirinê derbasî gundikê Baydet bûn û taziye ziyaret kirin.