Azadkirina Şengalê ji aliyê şervanên azadiyê ve, ji aliyê civaka Êzidî ya li çiyayê Şengalê ve tê pîrozkirin.

Gelê Şengalê, azadiya warê xwe bi coş û moraleke mezin pîroz dike. Civaka Êzidî ya li çiyayê Şengalê ye diyar kir ku sal û nîveke ew li benda vê rojê ne û got, "Serketina hêzên YBŞ, YPJ Şengalê di nava me de rê li ber moral û coşeke mezin vekir. Demeke dirêj bû em li benda vê rojê bûn. Keç û xortên Êzidî piştî komkujiyê rahiştin çekê û xwe weke hêzên YBŞ û YPJ Şengalê bi rêxistin kirin. Îro jî zarokên me Şengaleke azad diyarî me dikin. Em pê serbilind û kêfxweş in. Em êdî bawer dikin ku zarokên me, tola şehîdên me, tola xwişk û dayikên me hiltînin."