Li Kantona Kobanê di yekemîn salvegera Komkujiya 25’ê Hezîranê de, sibehê li Goristana Şehîdên Komkujiya 25’ê Hezîranê bi beşdariya hemû rêveberên saziyên rêveberiya xweser, nûnerên partiyên siyasî û saziyên civaka sivîl wê merasîma bîranînê bê lidarxistin.

Bi minasebeta bîranînan, Rêveberiya Xweseriya Demokratîk biryar girt ku sibehê ti sazî neyên vekirin.

Di berbanga roja  25`ê Hezîrana 2015`an de çeteyên DAIŞ`ê ji aliyê sînorê dewleta Tirk ve derbasî Kobanê bibûn û komkujî pêk anîbûn. Di encama komkujiyê de 252 sivîlan jiyana xwe ji dest dabûn.