Li dijî binçavkirinên ku di çalakiyên protestokirina êrîşên HTŞ û çeteyên girêdayî wê ên li ser Bakur û Rojhilatê Sûriyeyê pêk hatin; bi sedan parêzer bi dirûşmên "Bijî berxwedana Rojava" ber bi agahiya polîsan ve meşiyan.
Platforma Ked û Demokrasiyê ya Wanê, xwest li dijî êrîşên HTŞ û komên çete yên di bin piştgiriya dewleta Tirk de ku li Sûriyeyê hikûmet avakirine, meşekê li dar bixe. Polîsên Tirk êrîşî meşê kirin û di nav de siyasetmedar û parêzer jî hene, 54 kes binçav kirin. Li dijî van binçavkirinan, bi sedan parêzeran ji Dadgeha Wanê heta Midûriyeta Ewlehiyê ya Wanê bi dirûşmên "Bijî berxwedana Rojava" meşiyan.
Piştî meşa ku li ber Midûriyeta Ewlehiyê bi dawî bû, parêzeran xwestin bikevin hundirê avahiyê da ku bi muwekîlên xwe yên binçavkirî re hevdîtinê bikin. Lê belê, parêzer ji aliyê polîsan ve hatin astengkirin.
Li dijî hewildana astengkirinê, bi sedan parêzer û gelek welatî li ber avahiya ewlehiyê bi dirûşman li benda muwekîlên xwe ne û çalakiya wan berdewam dike.
