Polîsên Tirk êrîşî meşa li Wanê ya ji bo protestokirina êrîşên li ser Bakur û Rojhilatê Sûriyeyê hatibû lidarxistin, kirin. Di nav de hevserokên DBP, hevşaredarên Bajarê Mezin ê Wanê, serokê Baroya Wanê Sînan Ozaraz hebûn nêzî 100 kes hatin binçavkirin.
Li Wanê ji bo protestokirina êrîşên çeteyên HTŞ’ê yên ji aliyê dewleta Tirk ve tên piştgirîkirin ên li ser Bakur û Rojhilatê Sûriyeyê meş hatibû plankirin. Meşa pêşengiya Platforma Ked û Demokrasiyê ya Wanêopk hat, ji aliyê polîsên Tirk ve rastî êrîşê hat. Di êrîşê de gelek kes birîndar bûn.
Di nav de hevserokên DEM û DBP, hevşaredarên Bajarê Mezin ê Wanê Neslîhan Şedal û Abdullah Zeydan, serokê Baroya Wanê Sînan Ozaraz û hevserokên rêxistinên civaka sivîl ên li bajêr hebûn nêzî 100 kes hatin binçavkirin. Hat ragihandin ku kesên ku hatine binçavkirin rastî îşkenceyê hatine.
