Di saeta rûniştina parlamentê de, koma ji 53 parlamenterên YNK, Tevgera Goran, Yekgirtû Îslam û Komela Îslam, derbasî salona rûniştinê bû. Lê belê ji ber ku hejmara têrker a ji bo rûniştina taybet tinebû, serokê parlamentê rûniştin ji bo demeke nediyar taloq kir.

'ERK WÊ RADESTÎ SEROKÊ PARLAMENTÊ BÊ KIRIN'

Piştî taloqkirina civînê, parlamenterê Tevgera Goran Bîrzo Mecîd daxuyaniyek da çapemeniyê û anî ziman ku li gorî qanûnan dema serokatiyê ya Mesûd Barzanî ji sibe û pê ve diqede. Mecîd got, "Civîna li parlamentê ya îro, pêk nehat. Li gorî xala 15. a qanûnê, ji sibe û pê ve erkên serokatiya herêmê radestî serokê parlamentê tê kirin."

Mecîd her wiha diyar kir ku banga rûniştina taybet a 49 parlamenteran jî hînê dewam dike.

Wekîlên ji bo tevlî rûniştina îro bibe çûn parlamentê, li gorî partiyan bi vî rengî ne: "Tevgera Goran 24, YNK 18, Komela Îslamî 6 û Yekgirtûya Îslam 5."

PDK, Partiya Komunîst, Partiya Sosyalîst, Tevgera Îslamî ya Kurdistanê û wekîlên din ên hindikahiyan beşdarî rûniştina îro nebûn.