Ji bo şervana YPJ’ê Darsîn Şoreş (Sara Mamedî) ya li Serêkaniya Rojava jiyana xwe ji dest da û YPG’ê duh nasnameya wê aşkera kir, malbata wê li gundê Dêrik ê Selmas a Rojhilatê Kurdistanê taziye danî rastî astengiya rejîma Îranê hatin.

Ji gund û gundên derdorê mirov herikîn cihê taziyeyê. Lê piştî demekê pasdarên Îranê hatin gund û ketin û derketina gund asteng kirin.

Li gor agahiyên hatin wergirtin, pasdaran mizgefta gund girtin, melayê gund û birayê şervana YPJ’ê Sara Mamedî ji aliyê rêxistina îstixbaratê Îtlaat ve hatine binçavkirin.

Pasdarên girtin ser mala malbata şervana YPJ’ê, li malê lêgerîn pêk anîn û alav hemû tevlihev kirin. Pasdaran her wiha ji bo kes neçe taziyeyê gundî tehdît kirin.