Bi munasebeta 100. salvegera Qirkirina Ermeniyan, ji aliyê Enstîtuya Gomîdas, Şaxa ÎHD’a Amedê û Baroya Amedê ve bername wê pêk bên û bername di navbera 22-24’ê Nîsanê de wê bên lidarxistin.

Di çarçoveya bernameya ku wê sê rojan berdewam bikin,  22’ê Nîsanê wê qurnefîl li Sulava Duden a navçeya Çunguş a Amedê ku herî zêde qetlîam li wir hat jiyîn, bên danîn.

Di 23’ê Nîsanê de li Dêra Surp Gîragos ji aliyê Raffî Bedrosya ve piyano bê lêdan û ji bo kesên jiyana xwe ji dest dane find bên pêxistin.

Di 24’ê Nîsanê de jî li Dêra Surp Sarkîs wê bernameyek pêk bê û hunermend Zîlan wê lorînên xwe yên Ermenî bistirê.