Operasyona azadkirina gundên Şengalê ya ji aliyê şervanên azadiyê ve hatiye destpêkirin, bê navber û bi lez dewam dike.

Piştî ku navenda bajarê Şengalê di 13'ê Mijdarê de ji çeteyên DAIŞ'ê hat paqijkirin, li gundan operasyon hat destpêkirin.

Şervanên azadiyê di 15'ê Mijdarê de ber bi gundên li derdora geliyê Şîlo derketin operasyonê û di vê çarçoveyê de gundê Meydana û çarrêya Şengal-Hesekê-Mûsil-Dêrazor-Reqqa azad kirin. Her wiha wesayîteke ku çeteyan a bombebarkirî rûxandin.

Nûçegihanên ANF'ê dîmenên operasyona li herêmê weşandin.