Keşf û operasyonên artêşa Îranê yên li hember herêmên gerîlayan didomin.

Navenda Ragihandin û Çapemeniya HPG’ê têkildarî tevgera leşkerî ya artêşa Îranê daxuyaniyeke nivîskî weşand. HPG’ê got, “24’ê Nîsanê saet di navbera 04.00-06.00’an pêgerên hewayî yên keşfê yên artêşa Îranê li ser qada Dola Kokê ya herêma Qendîlê keşf pêk anîne.

22’ê Nîsanê li bejahiya gundê Erbîlan ê girêdayî Urmiyê artêşa Îranê operasyonek daye destpêkirin. Pastarên heman rojê vekişiyane li gundê Erbîlan xwe veşartine û kemîn danîne. 23’ê Nîsanê artêşa Îranê dîsa li gundên Erbîlan, Horebanê, Banê û Bêtirgê operasyoneke berfireh daye destpêkirin.  Artêşa Îranê bi vê operasyonê li hember deverên hêzên me yên gerîla plan kiriye ku serdegirtinan kemînan pêk bîne. Operasyon hê didome.”