Navenda Çapemenî û Ragihandinê ya HPG’ê diyar kir ku operasyona artêşa Tirk a li herêma Bînbîr a girêdayî navçeya Gever a Colemêrgê hê jî didome. HPG’ê di daxuyaniyê de wiha got: “23’ê Cotmehê saet di navbera 23.00’an û êvarî saet 01.00’an de balafirên şer û helîkopterên Kobra girê Marti yê girêdayî herêma Çarçella bomberdûman kir. Girê Marti hemwext bi obus û hawanan jî bomberdûman kirin. Vê sibê (24’ê Cotmehê) balafirên şer li herêma Çarçella bi awayekî zêde dest bi bomberdûmanê kirine.”

HPG destnîşan kir ku operasyona li xeta sînorê herêma Avaşîn a Herêmên Parastinê yên Medyayê didome, di operasyonê de bi awayekî zêde bomberdûman pêk tên. HPG’ê der barê operasyonên bejahî û hewayî de ev agahî dan: “23’ê Cotmehê saet di navbera 21.00-00.00’an balafirên şer girên Şehîd Rahîme û Şehîd Afat bomberdûman kirin.

Qereqola Oremar a li xeta sînor; 23’ê Cotmehê ji saet 12.00’an ve girên Şehîd Gafûr û Şehîd Rahîme,

Qereqola Grana; 23’ê Cotmehê saet 06.00-07.00’an û 09.00’an, 24’ê Cotmehê saet di navbera 05.30-07.00’an de girên Mergê, Mamreşo, Grana, bejahiya gundên Hergûş û Silor,

Qereqola Mamreş; 23’ê Cotmehê saet 16.00’an û 24’ê Cotmehê saet 02.30’an herêma Tepê Şehîd Ronahî,

Qereqola Tepê Sîvrî ya girêdayî qereqola Bezelê jî; 24’ê Cotmehê saet 02.00-02.30’an û 06.00-06.30’an girên Tepê Sor, Tepê Spî, Şehîd Silêman, herêmên Gundê Erdewê û Gundê Bêdewê bi obus, hawan û tankan ve bomberdûman kir.

Li Girê Şehîd Zerdeşt, 23’ê Cotmehê saet 08.00’an de di navbera hêza operasyonê ya di nav tevgerê de bû û hêzên gerîlayên me de pevçûnê rû da û di encama pevçûnê de 4 leşker hatin kuştin. Piştî vê çalakiyê herêmên Şehîd Rahîme, Şehîd Afat û Dola Satê bi balafirên şer, obus, hawan û tankan ve bi awayekî zêde hate bomberdûmankirin.

Îro (24’ê Cotmehê) saet 12.00’an li herêma Şehîd Rahîme leşker di nav tevgerê de bûn, hêzên gerîlayên me bersivek bi bandor da. Piştî lêdanên bandor, leşker neçar man ku xwe qismî ji vê qadê vekişînin. Li ser herêma Şehîd Rahîme pêgerên hewayî yên keşfê bi awayekî zêde digerin.”

LI MOTKÎ OPERASYON

HPG’ê destnîşan kir ku artêşa Tirk li Motkiyê operasyonan dimeşîne û wiha berdewam kir: “Operasyona bi tevlîbûna cerdevanan a li herêmên Xaçareş, Çiringêz û rêzeçiyayên Xapînok ên navçeya Motkî a Bedlîsê didome. Cerdevanên tevlî operasyonê dibin ji gundên Deşta Xutê, Serê Golê, Tat, Oxîn, Gêsan, Nokê û Xaçînan ên girêdayî navçeya Motkî û ji navçeya Motkî bi xwe ne. 23’ê Cotmehê danê êvarî girekî ji aliyê cerdevanan hatibû girtin ji aliyê hêzên gerîlayên me hat ferqkirin, lê gerîlayên me ti mudaxele li hember van cerdevanan pêk naniye.”

TEVGERA HEWAYÎ Û BOMBERDÛMAN

HPG’ê di daxuyanî de der barê tevgera hewayî û bomberdûmanan ev ragihandin:

“4 rojên dawî bi awayekî periyodîk qereqola Tepê Yekmal a li xeta sînorê herêma Heftanîn a Herêmên Parastinê yên Medyayê; qada Kato Silê û derdora wê ya nêzî herêma Bektorya bi obus, hawan û tankan ve bomberdûman dike.

23’ê Cotmehê saet 14.00-14.30’an û 19.00-20.00’an qereqola Serbesta ya li xeta sînorê herêma Metîna; girê Kuroşîno û qûntarên wê da ber obus û hawanan.

Qereqola Êrîş a li xeta sînorê herêma Zapê; 23’ê Cotmehê saet 13.00-18.00’an û saet di navbera 23.00’an û êvarî  saet 01.00’an de herêmên Çiyayê Reş, Gundê Sernê, Gundê Zerê, Canmeda û Xeregolê,

Qereqola Bîlîcan; di navbera 23’ê Cotmehê saet 20.00’an û 24’ê Cotmehê saet 05.00’an de Kelha Ertûş, girê Şehîd Cahît û qûntarên wê, Şehîd Zekî, Qirika Şehîd Derwêş, girê Şehîd Newal û herêmên derdora wê,

Qereqolên Girê û 49’an; 23’ê Cotmehê saet di navbera 14.00-21.00’an herêmên Tepê Şehîd Mazlûm, Dola Feqîra û Sirtê Bêtkar bi obus, hawan û tankan ve bomberdûman kirin.

23’ê Cotmehê ji danê nîvro heta saetên êvarî qereqolên Sindirêk û Beyaz Çeşme yên girêdayî navçeya Dîcle ya Amedê; herêmên Gorsê, Ûçkûla, Tunegrat, Tirêjman û Tepê Ziyaret dan ber hawanan.

23-24’ê Cotmehê saet 19.00-05.30’an li ser herêma Garê, saet 22.00-01.00’an li ser herêma Zapê pêgerên hewayî yên keşfê gerîyan. Her wiha ji saet 21.00’an heta êvarî saet 02.00’an li ser herêma Zapê tevgera balafirên şer çêbû.”