Li Wanê ku polîsan êrîş birin ser ciwanên terora dewletê ya li Wanê protesto dikirin, pevçûnan rû da. Bi xweparastina ciwanan re polîs ji taxê hatin derxistin.

Ciwanên li taxên Karşiyaka û Yenîmahalle yên navçeya navend a Îpekyolu ya Wan kom bûn, terora dewletê ya li Farqînê protesto kirin. Ciwanên li ser rê barîkat danîn nasname kontrol kirin û pankarta, “Berxwedan jiyane li kolanên azad” vekirin. Ciwanan dirûşmên, “Bijî Serok Apo” û “Gelê Farqînê ne bi tenê ye qîr kirin”. Polîsên hatin taxan êrîşî ciwanan kirin. Di navbera polîsên bi gaza îsotan û ava şid êrîş kirin û ciwanan de pevçûn derketin. Ciwanan bi molotofkekteylan û fîşêkên hewayî bersiv dan polîsan.

Li hember xweparastina ciwanan polîs neçar man vekişin. Ciwan heta saetên dereng li ber barîkatan sekinîn.